تبلیغات
بنه وار طایفه شهنی - گوگریوبختیاری سری چهارم
 
بنه وار طایفه شهنی
شنبه 14 آذر 1394 :: امین احمدی بیرگانی
  • بیا همچونون که بیدیم

چه ملالی بی که مهر ز یک بریدیم

  • مردمو مال دلم داره یه دردی

جانشین گل وابی یه حار زردی

  • مردمو مال دلم داره یه کینه

جانشین گل وابی یه حار گینه

  • بیو با یک وابوم همسا چی دور نها مون

بلاکم مرگ بکنه زیک جدامونه

  • بیو که یه جا بنیم شلون مسته

کیونوسون بکنیم بهره به دسته

  • بیو که یجا بنیم شل شلونه

کیونوسون بکنیم شاه زنونه

  • موچنو غصه خورُم دی نا ندارم

چی درخت زمستون دی سا ندارم

  • مو چونو درد به دلم جا نی به جونم

کنستی باد عراض سر تا نخونم

  • بیو که به تنیر بونیم یه هیوی جاز

تا تنیر تش بگره به یک بنیم راز

  • بیو که به تنیر بونیم یه هیوه گردو

تا تنیر تش بگری به یک بنیم بو

  • ای خومی لول زخومی دیدی چه کردم

گمون روز چینو به خوم نکردم

  • منه سرهیچ نزنین هنی به حالم

چهرشت گوویلم یاواخیالم

  • هرسا مین تیام هیچ نیکنن بند

دیری ز ولات تش به دلم وند

  • دلخوشی ولوخنده هیچ نیدبه کارم

ای خداخوت رحم بکن به حال زارم

  • چارچوم چو چندله بالشتم پرقو

زیر چارچومه بگرن چارتا دوور خو

  • کُنارغریوم که برده نصیوم

یه عمره که سی خوم اگوم اگریوم

  • ای کنار تو پر مریز ور چل حونم

مو سی خم کسی بیدم ایچو وسته مکونم

  • ای گگو زحمت نکش فاده نداره

دردی ک مونه گرهد درمون نداره

  • ار بمیری به غریوی کس چ دونه

ار بمیری ب خودی ظلم گرونه

  • وَك وِلو وابیدیم و جا وارگهامون تش گرهد

بس كه مندیرِصُوَ بیدیم حالامون تش گرهد

  • مالمون خو مالی بید خو صحوتی داشت

ورکرد باد پسین صحوته ور داشت

  • گاگریو خونین همه سی بختیاری

دی کُری زس نیکنه طایفه داری

  • دئینم به گردنتون ای تیشه به دستون ای مال

مبرین ومونینم من منقل چی زغال

  • نترم دوندال کنم دندونم ودرده

نه درد دندونمه دلم دردمنده

  • دی مُردم ز غروت و ز بیقراری

بیل برم زال بزنم تا آسماری

  • واویلا بخت بدم انو برفه درواند

هرکه تا زونی گرد مونه تا کمربند

  • دلمه دول دول کنم دولی وس بدوزم

هرجا که سوده دله اوی وس بریزم

  • تش گرد حونه ..... کسی نی کنس کور

تش وباد که یک گرد فلک بس گرد زور

  • ...... وگور ننین نه لایق گوره

لایق زین زری وگرده ی بوره

  • برین بیارین خدا حکیم زخراسون

هیچ حکیمی خوونکرد درد منه آسون

  • دین مو به گردنت دکتر جرا

یه جواب خو بده به دودر ودا

  • سر شوادون بزنم گلاو شیشه

عمارت سیت راست کنم به سی همیشه

  • سر شوادون بزنم گلاو بوستون

عمارت سیت راست کنم سه ماه زمستون

  • داکمی سیاه بکن وه او بارون

مالم زمالاوست خوم ز سوارون

  • عمارت اسبید بلند هی شیشه کاری

راسس کرد آقا ...... نه سی یادگاری

  • دست دورگلم بگرین سر مزارم

نهلین ری بکنن طاقت ندارم

  • وه من سرمزنین هنی به هوشم

چرشت دام وددوم هد من گوشم

  • دورگلم سیاه کنین به او بارون

مالم زمالا بوست خوم زسوارون

  • داکم ای دایه خدا دایه دایه ونووم

بال مینات بدم کنم سایه وونم

  • دورگلم سیاه کنین به او خالص

مالم زمالا بوست خوم هم زمیلس

  • ای خم ای لول خم ای سیلات مرگم

سرچاچوم نگرهن شیرون زردم

  • بزنین چو وه دهل تا قشن بکنه

لاش اسبد ای گووم سرجا نمنه

  • ای خم ای لول خم ای سیلات سنگی

سرچارچومه نگرهن شیرون جنگی

  • روین خرید کنین حنا وه گرونی

بنین وه دستا گئوم مرد وه جوونی

  • ای خم ای لول خم ای سیلات مرگم

زر چار چوم نگرهن او شیرون زردم

  • برین وحنا خرین حنا وه سمرقند

بنین و دست گووم مرده وا دل تنگ

  • ائی کنار مبرین ای اره دارون

ائی کنار سایس خشه سی بی برارون

  • والا کاشکه نبیدیه رگ تو بلارم

وردارم کاردکلی ایرگه وراروم






نوع مطلب : گوگریو بختیاری، 
برچسب ها : گاگریو، گوگریوبختیاری، عزاداری بختیاری،
لینک های مرتبط :
یکشنبه 12 شهریور 1396 12:28 ب.ظ
This paragraph gives clear idea designed for
the new people of blogging, that really how to do running a blog.
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر





مدیر وبلاگ : امین احمدی بیرگانی
آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :