تبلیغات
بنه وار طایفه شهنی - پیامک بختیاری سری سوم
 
بنه وار طایفه شهنی
دوشنبه 2 آذر 1394 :: امین احمدی بیرگانی

شَوق دیدارت هر دم تش اینه منه جونم

سی تو چینو ایسوسم سی تو چینو ایخونُم

شو دراز ومه بلند بیو بنشینیم

تو که میلت رهدنه سیر یکه بوینیم

شو دراز ومه بلند دلم نیگر جا

یارخم رهده سفر مندم خمه تهنا

شول میلیسیم چسه نه ورسته

به گمون خاطرم كه نادرسته

شول میلیسیم چسه نكنه كار

به گمون خاطرم وابیده بیمار

شو مه و بال رو خیلى دلنشینه

مو كه یارم ایچو نى دلم پر ز خینه

شو یه تشه تنگى بزنیم ز هیوه كلخنگ

میشكاله بگوین منشینه بى دنگ

شو یه تشه تنگى بزنیم ز هیوه بایم

میشكاله بگوین هف كنه قایم

شومه نباهمیشه بهار نه دیرینبا نه داغ براره

شومه نباهمیشه پاییزه نه دیری نبا نه داغ عزیزه

شو گریدم کل مال مردم زسرما

تی کال تی بایمی نگو بفرما

شو رو بارمونه ، به دینه كارمونه

چنو ویردارمونه كه كس سر نى دراره

وفا رده به كورى دییه نیبو بجورى

زمونه چنو تحله كه كس سر نى دراره

شو یه تش تنگی بزنیم آخی ز هیوه بایُم

میشکاله بگوین بگوین آخی هف کنه قایم

شرنگنی درنگی ره کیچه والا

چشم بد بس ننیر بگو ماشااله

شرنگنی درنگنی ره کیچه زیری

چشم بد بس ننیر یو بی نظیری

شو دراز ومه بلند دلم نیگره جا

هر که منجامون نشست دلس چی دلم با

شو مه توبهتری تا شو تاریک

چه خوه به ره روی باکد باریک

شاه ترازین بیارین اشرفی هانه کشیم

دم حونه بوو دودر خجالتس نکشیم

شاله بس قطاره بس جاهل بی روونه

بنگ ودینداس نزنین ای عزیزه حونه

شو و روز به فکرتم ای بامحبت

نه دنیا وفاکنه نه مال وثروت

شو نشینی بال چاله چه خشه

گرمی انگشت سورس ز تشه

شو وروز به فکرتم عاجز ودلتنگ

کور وپیرم کردی سیچه نیزنی زنگ

شاد اوی اقا ابول جومه گرامی

تا صدسال دال بخوره لاشه نظامی

شاد اویاقا ابول سگار کُرِ لو

بختیاری زنده کرد وا پوز برنو

شو و روز فکر اکنم هی اگوم یار

دست وپامه بگرین جون اوی به بازار

شاله بست قطار بست ره جست چاربون

عزیز مین دلم ری گرد وا بیابون

شو و روز وه خاطرت قلبم زنه سیت

چهارمحال کل گشتمه پیدا نوی چیت

شو ویدوم سر جات خو گرده مستت

انگشتر سرفیروزه گردوم به دستت


یار مو داره ایا ناز واداس بنیر

چی چویل پا زرده کنج میناس بنیر

یُو بادِ اَرازِه مِنِ تِشنیتِه گِرِهدِه

یا دَردِ سِلاتینِه کِه بَلگا تُونِ رِهدِه

یه دستم به چو چادر خا خوش اویدی

کی دیده وا دست نیا نومدارعیدی

یه گلی منه کمر تازه شکفته

نه دستم بس ایرسه نه خوس ایفته

یه کینه ایخواستمه دام بدروینه

بکنه خار زدلم گل جاش بشونه

یه گلی زمالامون رهده غریبی

ار که دل دار ی ولا سیس بگریوی

یه گلی من کپر چی تش اسوسه

چی افتو برچ ازنه چی مه اگروسه

یی همه جور وجفا اخر چه فایده

زه حوه زیدوم بهدر کد گشاده

یه تالی ز مرزنگت سی خوم نبردوم

بس بدوزم هر وقت که مردوم

یه دَسُم و گردنت یکی وه کولت

تش بگره اُو کسی که زیده گولت

یه دستم به گردنت یکی به لیتی

ساعت سر دست گل کارکویتی

یه دستم به گردن یکی به شونت

ز عزیزی نخورم قسم به جونت

یه دستم به گردنت یکی به شالت

ار قبولم داری خوم یام به مالت

یه گلی من مالمون ره به غریوی

هرکمون نازک دلیم سیس بگریویم

یه گلی من مالمون خوفرمی داره

ندونم که آزوی یا میره داره

یه گلی گوشه کمر دونس درشته

دوهدر ای بشکن بیو کر خونه کشته

یه درده مونه گرهد کشی به نافم

تیه کال گولم زی ،سر دل صافم

یه گلی من نیمدری تازه شکفته

نه دستم بس ارسه نه خوس ایفته

یه گلی ونمه دل خم پروریدم

وخت ثمر خردنس خیرس ندیدم

یکینه خواستم بیدادسیم بخونه

بکنه خار ز دلم گل جاس بشونه





نوع مطلب : پیامک بختیاری، 
برچسب ها : پیامک بختیاری، اس ام اس بختیاری،
لینک های مرتبط :
دوشنبه 16 مرداد 1396 05:40 ب.ظ
My brother recommended I might like this blog.
He was entirely right. This post actually
made my day. You cann't imagine simply how much time I
had spent for this information! Thanks!
دوشنبه 5 تیر 1396 10:56 ق.ظ
Glad to be one of the visitors on this awing website :D.
چهارشنبه 3 خرداد 1396 08:48 ب.ظ
Appreciate this post. Will try it out.
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر





مدیر وبلاگ : امین احمدی بیرگانی
آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :