تبلیغات
بنه وار طایفه شهنی - گوگریو بختیاری سری دوم
 
بنه وار طایفه شهنی
شنبه 7 آذر 1394 :: امین احمدی بیرگانی
  • ای گو واسر نزن هنی به هوشم

چرشته بچلم وی منه گوشم

  • یه درد منه دلم زونه کشیده

ای گو دست بس نزن روزم رسیده

  • سرتخته بیمارستان خین گره تیامه

به بچلم بگون جمع کنن چیامه

  • سخن نالا یکی مو امروز شنیدم

انمس گوشه دلم تا تونه بینم

  • فرزند شخصی دیرسته لواسم

برینم جای غریب کسی نشناسم

  • گور غریوی هواوه نداره

ریس به وطن بال ادراره

  • یه بنه برف وچویل انم به کولم

تا نرم سرشوادون زس نیفروشم

  • مردیل مردن رهدن پی کارسون

ایما که مندیم کافر با به حالمون

  • بیمار دوش و پریدم نه درسته

نرهدم سربس زنم او ورسته

  • غم مرده نیخورم مرده که مرده

غم زندنه خورم ویرونه منده

  • رهدم به سوده دلون کهنه و نو

زخودم دل سوده تر ندیدم کسی بو

  • تش نهادی به دلم بیو بکنس کور

پسیه که باد شمال بس بگره زور

  • در بون خشت گلی دیوار کهنه

می زمو گله داری نیایی به حونه

  • بل که بخورم گرگ منه صحرا

دام بره بووم بمرد که مندم خوم تنها

  • ای ددوم سرو بخون دل مو تنگه

زیرسریم خشت گله مزارم تنگه

  • یه مزار دیدمه ریس به نساره

نه گوم سی بچلس شو خونداره

  • یه مزار دیدمه ریس به برافتو

نه گوم سی شو نیکنه خو

  • ای درخت سرره تو دیده بونی

هروقتی گوم ایا توخوته شونی

  • سردست وازیمبی چی نر پلنگی

موداویم بکنین سی روز تنگی

  • رهدم چی کلمری لونه بسازم

باد اوی لونومه برد چه چاره سازم

  • دا کمی بیو بالا سرم شیر بکن حلالم

به جوونی مردمه اولاد ندارم

  • ماشینی ز شیراز اووردت به لنجون

نکشی آقا سعید نره به درغون

  • جور شیر نعره زنم ای تنگ به او تنگ

ندارمم گگو ز خوم بالام کنه جنگ

  • چونگرینه اوگره بیاین به سی لس

کوجه رد سیدموس جربوره میلس

  • جونگری سوز خورم چی زلی گا

تانیاسید موس دل نبرس جا

  • کد بس قطار بس رهده به میلس

جور بلبل حرف ایزنه بیوین به سیلس


  • غم اوو دلم گره غم به غم سواره

هرغمی سنگین تره غم براره

  • دلم ای دلم چته کلویی

نه سعید جار ایزنه ز بی گگویی

  • بیو بریم به سا پسینو بنشینیم

توکه میلت رهدن یک بوینیم

  • بیو بریم به سا پسینو بونیم بار

تو که مبلت رهدن خدا نگهدار

  • گور کنون گورم کنین مرگم حا ضر یه

ددومه خور کنین مر کا فر یه

  • گور کنون گورم کلند سو یری

تا بیاهه بر سه گگوم ز دیری

  • همچونو اور اگره دلم به درده

مو ترسم برفی بیا رهمه بونده

  • هر چه که دارم بدم اوستا و بنا

یه دریچه راست کنه سی درگل و دا





نوع مطلب : گوگریو بختیاری، 
برچسب ها : گوگریو بختیاری،
لینک های مرتبط :
یکشنبه 12 شهریور 1396 01:32 ب.ظ
It's actually a cool and helpful piece of information. I am glad that you
just shared this useful information with us. Please keep us informed like this.
Thanks for sharing.
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر





مدیر وبلاگ : امین احمدی بیرگانی
آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :